ಕಾರ್ಕಳ, ಜೂ. 21: 9ನೇ ಅಂತರರಾಷ್ಟ್ರೀಯ ಯೋಗ ದಿನಾಚರಣೆ ಪ್ರಯುಕ್ತ ಜಿ.ಎಸ್.ಬಿ ಮಹಿಳಾ ಮಂಡಳಿ ಕಾರ್ಕಳ ವತಿಯಿಂದ ಯೋಗ ದಿನಾಚರಣೆ ನಡೆಯಿತು.

ಯೋಗ ಶಿಕ್ಷಕರಾದ ನರೇಂದ್ರ ಕಾಮತ್ ಮಾತನಾಡುತ್ತಾ, ಜ್ಞಾನಯೋಗ, ಭಕ್ತಿಯೋಗ, ಕರ್ಮಯೋಗ, ರಾಜಯೋಗವನ್ನು ಜೀವನದಲ್ಲಿ ಪ್ರತಿಯೊಬ್ಬರೂ ಅಳವಡಿಸಿಕೊಳ್ಳಬೇಕು. ಇದರಿಂದ ಏಕಾಗ್ರತೆ ಹೆಚ್ಚಿಸುವುತ್ತದೆ, ಜತೆಗೆ ಮಾನಸಿಕ ಹಾಗೂ ದೈಹಿಕ ಆರೋಗ್ಯವನ್ನು ಉತ್ತಮವಾಗಿರಿಸಲು ಸಾಧ್ಯ ಎಂದರು.

ಬಳಿಕ ಯೋಗ ತರಬೇತಿಯನ್ನು ನೀಡಿ ಅದರ ಪ್ರಯೋಜನಗಳನ್ನು ತಿಳಿಸಿದರು. ಅಧ್ಯಕ್ಷೆ ದಿವ್ಯಾ ಡಿ ಪೈ ಸ್ವಾಗತಿಸಿ, ರಾಧಿಕಾ ಶೆಣೈ ವಂದಿಸಿದರು. ಪದಾಧಿಕಾರಿಗಳಾದ ವಂದನಾ ಶೆಣೈ, ವಾರಿಜಾ ವಿ ಕಾಮತ್, ಶ್ವೇತಾ ಶೆಣೈ, ಲಲಿತಾ ಭಟ್, ರಾಖಿ ಭಟ್, ಸಂಧ್ಯಾ ಕಾಮತ್, ರೇಷ್ಮಾ ಶೆಣೈ ಉಪಸ್ಥಿತರಿದ್ದರು.