ಹೆಬ್ರಿ: ಕೃಷಿಕರೊಬ್ಬರು ಸ್ನಾನ ಮಾಡುತ್ತಿದ್ದಾಗ ಕಾಲು ಜಾರಿ ಹೊಳೆಗೆ ಬಿದ್ದು ಸಾವನ್ನಪ್ಪಿದ ಘಟನೆ ಹೆಬ್ರಿಯಲ್ಲಿ ಸಂಭವಿಸಿದೆ. ಮಹಾಬಲ ಪೂಜಾರಿ (60) ಮೃತಪಟ್ಟ ವ್ಯಕ್ತಿ.

ಇವರು ಜ. 11 ರಂದು ಮಧ್ಯಾಹ್ನ ಹೆಬ್ರಿ ಗ್ರಾಮದ ಏಳಾಳಿ ಎಂಬಲ್ಲಿ ಮನೆಯ ಬಳಿವಿರುವ ಡ್ಯಾಂನ ಹೊಳೆಗೆ ಹೋಗಿ ಹೊಳೆಯ ಮಧ್ಯದಲ್ಲಿರುವ ಕಲ್ಲು ಬಂಡೆಯ ಮೇಲೆ ನಿಂತು ಸ್ನಾನ ಮಾಡುತ್ತಿರುವಾಗ ಕಾಲು ಜಾರಿದ ಪರಿಣಾಮ ಅವರು ಆಕಸ್ಮಿಕವಾಗಿ ಹೊಳೆಯ ನೀರಿಗೆ ಬಿದ್ದು ಉಸಿರುಕಟ್ಟಿ ಮೃತಪಟ್ಟಿದ್ದಾರೆ. ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.