ಉಡುಪಿ, ಫೆ. 16: ಜಿಲ್ಲಾ ಪಂಚಾಯತ್‌ನ ಸ್ವಚ್ಛ ಭಾರತ್ ಮಿಷನ್ ಯೋಜನೆಯಡಿ ಗ್ರಾಮೀಣ ಭಾಗದ ಜನವಸತಿ ಪ್ರದೇಶಗಳಲ್ಲಿ ಬೂದು ನೀರು ನಿರ್ವಹಣೆ ಬಗ್ಗೆ ಸಾರ್ವಜನಿಕರಿಗೆ ಅರಿವು ಮೂಡಿಸುವ ಉದ್ದೇಶದಿಂದ ಆಯೋಜಿಸಲಾಗಿದ್ದ ಕಿರುಚಿತ್ರ ನಿರ್ಮಾಣ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನವನ್ನು ಆಮ್ಟೆ ಕ್ರಿಯೇಷನ್-ಸ್ವಚ್ಛತೆ ತಂಡ (20,000 ರೂ.), ದ್ವಿತೀಯ ಸ್ಥಾನವನ್ನು ಪರಮೇಶ್ವರಿ ಕ್ರಿಯೇಷನ್ ತಂಡ (15,000 ರೂ.) ಹಾಗೂ ತೃತೀಯ ಸ್ಥಾನವನ್ನು ಅರುಣ ಶ್ರೀ ಕ್ರಿಯೇಷನ್ಸ್ ಅರಿವು ತಂಡ (10,000 ರೂ.) ಪಡೆದಿರುವುದಾಗಿ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಪ್ರಸನ್ನ ಹೆಚ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.