ಕಾರ್ಕಳ: ಕಾರ್ಕಳ ಅನಂತಶಯನದ ಶಾರದಾ ಮಹಿಳಾ ಮಂಡಳಿ (ರಿ.) ವತಿಯಿಂದ ಚೇತನಾ ವಿಶೇಷ ಶಾಲೆಗೆ ಎರಡು ಕಪಾಟುಗಳನ್ನು ಕೊಡುಗೆಯಾಗಿ ನೀಡಲಾಯಿತು. ಸಂಸ್ಥೆಯ ವಿದ್ಯಾರ್ಥಿಗಳಿಗೆ ಲೇಖನ ಸಾಮಗ್ರಿಗಳನ್ನು ಕೂಡ ಈ ಸಂದರ್ಭದಲ್ಲಿ ವಿತರಿಸಲಾಯಿತು.

ಅಧ್ಯಕ್ಷರಾದ ವಾರಿಜಾ ವಿ ಕಾಮತ್, ಕಾರ್ಯದರ್ಶಿ ಡಾ. ಹರ್ಷಾ ಕಾಮತ್, ಕೋಶಾಧಿಕಾರಿ ಸಾವಿತ್ರಿ ಮನೋಹರ್, ಉಪಾಧ್ಯಕ್ಷರಾದ ಉಮಾ ಚಿಪ್ಳುಣಕರ್, ಭಜನಾ ಕಾರ್ಯದರ್ಶಿ ಭಾರತಿ ಅಮಿನ್, ಶಾಲಾ ಮುಖ್ಯೋಪಾಧ್ಯಾಯಿನಿ, ಶಿಕ್ಷಕಿಯರು, ಶಿಕ್ಷಕೇತರ ಸಿಬ್ಬಂದಿ ವರ್ಗದವರು, ಮಂಡಳಿಯ ಸದಸ್ಯರು ಉಪಸ್ಥಿತರಿದ್ದರು.