ಕಾರ್ಕಳ: ಕಾರ್ಕಳ ಜ್ಞಾನಸುಧಾ ಸಂಸ್ಥೆಯ ಆವರಣದಲ್ಲಿ ಮಹೀಂದ್ರ ಹೋಮ್ ಫಿನಾನ್ಸ್ ಇವರ ನೆರವಿನೊಂದಿಗೆ ಎಂಪವರ್ ಟ್ರಸ್ಟ್ ತಮಿಳುನಾಡು ಇವರ ಸಾಮಾಜಿಕ ಅರಣ್ಯ ಯೋಜನೆಯಡಿಯಲ್ಲಿ ಐನೂರು ಗಿಡಗಳನ್ನು ನೆಡುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.

ಎಂಪವರ್ ಟ್ರಸ್ಟ್ ನ ಆಡಳಿತ ನಿರ್ದೇಶಕಿ ಡಾ. ಕನ್ನಿಮೋಝೀ ಅವರು ಈ ಕಾರ್ಯಕ್ರಮವನ್ನು ನಿರ್ದೇಶಿಸಿದರು. ಮಹೀಂದ್ರ ಹೋಮ್ ಫಿನಾನ್ಸ್ನ ರೀಜನಲ್ ಹೆಚ್.ಆರ್. ಮೇನೇಜರ್ ಬಿ.ಎನ್ ಕಾರಿಯಪ್ಪ, ಉಡುಪಿಯ ಏರಿಯಾ ಮೇನೇಜರ್ ಮಂಜುನಾಥ್, ಏರಿಯಾ ಕ್ರೆಡಿಟ್ ಇನ್ ಚಾರ್ಜ್ ರಾಜಾರಾಮ್, ಕಾರ್ಕಳ ಜ್ಞಾನಸುಧಾ ಪಿ.ಯು.ಕಾಲೇಜಿನ ಪ್ರಾಂಶುಪಾಲರಾದ ದಿನೇಶ್ ಎಂ,ಕೊಡವೂರು, ಸಾರ್ವಜನಿಕ ಸಂಪರ್ಕ ಅಧಿಕಾರಿ ಜ್ಯೋತಿ ಪದ್ಮನಾಭ್, ಸಂಸ್ಥೆಯ ಎನ್.ಎಸ್.ಎಸ್. ಘಟಕದ ಅಧಿಕಾರಿ ರವಿ ಜಿ, ಎನ್.ಸಿ.ಸಿ. ಅಧಿಕಾರಿ ಮಂಜುನಾಥ್ ಹಾಗೂ ವಿದ್ಯಾರ್ಥಿಗಳು ಭಾಗವಹಿಸಿದರು.