ಸರ್ಕಾರೇತರ ಪರಿಸರ ಪ್ರೇಮಿ ಸಂಸ್ಥೆಯಾದ ನಿರ್ಮಲ ತೋನ್ಸೆ ವತಿಯಿಂದ ಪರಿಸರ ದಿನಾಚರಣೆ ಪ್ರಯುಕ್ತ ಹಸಿರು ತೋನ್ಸೆ ಕಾರ್ಯಕ್ರಮವನ್ನು ಪಡುತೋನ್ಸೆ ಗುಜ್ಜರಬೆಟ್ಟು ಸರಕಾರಿ ಕೆರೆಯ ದಂಡೆಯ ಮೇಲೆ ಗಿಡ ನೆಡುವ ಮೂಲಕ ಆಚರಿಸಲಾಯಿತು. ವಿಠಲ ದೇವಾಡಿಗರವರು ಗಿಡ ನೆಡುವ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿದರು.

ಈ ಸಂದರ್ಭದಲ್ಲಿ ಸಂಸ್ಥೆಯ ಅಧ್ಯಕ್ಷರಾದ ವೆಂಕಟೇಶ ಜಿ.ಕುಂದರ್, ಸ್ಥಳೀಯ ಪಂಚಾಯತ್ ಸದಸ್ಯರಾದ ಪುರಂದರ ಟಿ.ಕುಂದರ್, ಸಂಸ್ಥೆಯ ಸದಸ್ಯರಾದ ಪೆಲಿಕ್ಸ್ ಪಿಂಟೊ, ಸುಲೋಚನ ಸತೀಶ್, ಸ್ಥಳೀಯರಾದ ವಿಠಲ ದೇವಾಡಿಗ, ರವಿ ಎಚ್., ಕಿರಣ್ ಕುಮಾರ್, ಚರಣ್ ಕುಮಾರ್, ಸಂಪತ್ ಕುಮಾರ್ ಮೊದಲಾದವರು ಉಪಸ್ಥಿತರಿದ್ದರು. ಮಾವು, ಹಲಸು, ಬೇವು, ಚೆರ್ರಿ ಮತ್ತಿತರ ಗಿಡಗಳನ್ನು ನೆಡಲಾಯಿತು. ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಮೊಹಮ್ಮದ್ ಸಯೀದ್ ಖಾನ್ ಕಾರ್ಯಕ್ರಮ ಸಂಯೋಜಿಸಿದರು