ಉಡುಪಿ: ಪ್ರಾಕೃತಿಕ ವಿಕೋಪದಡಿ ಹಾನಿಗೊಳಗಾದ ಉಡುಪಿ ತಾಲೂಕಿನ 4 ಕುಟುಂಬಗಳಿಗೆ ಮಂಜೂರಾದ ಒಟ್ಟು ರೂ. 2,70,375/- ಮೊತ್ತದ ಪರಿಹಾರ ಧನದ ಚೆಕ್ ಗಳನ್ನು ಗುರುವಾರ ಶಾಸಕ ಕೆ. ರಘುಪತಿ ಭಟ್ ಉಡುಪಿ ಶಾಸಕರ ಕಚೇರಿಯಲ್ಲಿ ವಿತರಿಸಿದರು.

ಉಡುಪಿ ತಾಲೂಕಿನ ಪುತ್ತೂರು ಗ್ರಾಮದ ನಿವಾಸಿ ವಿನೋದ ಅವರಿಗೆ ರೂ. 95,100/-, ಕೊಡವೂರು ಗ್ರಾಮದ ವಸಂತಿ ಶೆಟ್ಟಿ ಅವರಿಗೆ ರೂ. 75,000/-, ಕಡೆಕಾರು ಗ್ರಾಮದ ಶೋಭಾ ಅವರಿಗೆ ರೂ. 69,715/- ಹಾಗೂ 76 ಬಡಗಬೆಟ್ಟು ಗ್ರಾಮದ ನಿವಾಸಿ ಕಸ್ತೂರಿ ಶೇಟ್ ಅವರಿಗೆ ರೂ. 30,560/- ಸೇರಿದಂತೆ ಒಟ್ಟು ರೂ. 2,70,375 ಮೊತ್ತದ ಚೆಕ್ ವಿತರಿಸಲಾಯಿತು.

ಉಡುಪಿ ತಾಲೂಕಿನ ಕಂದಾಯ ನಿರೀಕ್ಷಕರಾದ ಉಪೇಂದ್ರ, ಗ್ರಾಮ ಲೆಕ್ಕಾಧಿಕಾರಿಗಳಾದ ಕಾರ್ತಿಕೇಯ ಉಪಸ್ಥಿತರಿದ್ದರು.