ಉಡುಪಿ: ಪತ್ರಕರ್ತರ ವೇದಿಕೆ ಬೆಂಗಳೂರು ಉಡುಪಿ ಜಿಲ್ಲಾ ಘಟಕದ ವತಿಯಿಂದ ನಿವೃತ್ತ ಪತ್ರಕರ್ತ ಮಾಧ್ಯಮ ಅಕಾಡೆಮಿ ಪ್ರಶಸ್ತಿ ಪುರಸ್ಕ್ರತ ಎನ್.ಗುರುರಾಜ್ ರವರಿಗೆ ಪತ್ರಿಕಾ ದಿನದ ಗೌರವ ಕಾರ್ಯಕ್ರಮ ಅವರ ಸ್ವಗ್ರಹದಲ್ಲಿ ಶುಕ್ರವಾರ ನಡೆಯಿತು.

ಕ.ಸಾ.ಪ ಮಾಜಿ ರಾಜ್ಯ ಅಧ್ಯಕ್ಷ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮಾತನಾಡಿ, ಗುರುರಾಜ್ ರವರು ಹಿರಿಯ ಪತ್ರಕರ್ತರಾಗಿ, ಸಾಹಿತಿಯಾಗಿ ದೀರ್ಘಕಾಲ ಕೆಲಸ ಮಡಿ ಯಾವುದೇ ಹಮ್ಮ ಬಿಮ್ಮು ಇಲ್ಲದೆ ಸರಳ ಬದುಕಿನೊಂದಿಗೆ ಸಾವಿರಾರು ಪತ್ರಕರ್ತರನ್ನು ಬೆಳೆಸಿದ್ದಾರೆ. ಒಬ್ಬ ವ್ಯಕ್ತಿ ಶಕ್ತಿಯಾಗಿ ಕೆಲಸ ಮಾಡಿದ್ದಾರೆ ಎಂದರು.

ಗೌರವ ಸ್ಟೀಕರಿಸಿ ಮಾತನಾಡಿದ ಎನ್.ಗುರುರಾಜ್, ಪತ್ರಿಕೋದ್ಯಮ ಹಲವಾರು ಮಜಲುಗಳನ್ನು ದಾಟಿ ಬಂದಿದೆ. ಹಲವಾರು ಸುದ್ದಿ ಮಾಧ್ಯಮಗಳು ಬಂದರೂ ಅದರ ಪ್ರಸಿದ್ಧಿಗೆ ಕೊರತೆಯಾಗಿಲ್ಲ. ಯುವ ಪತ್ರಕರ್ತರು ಹಲವಾರು ಸಾಧನೆ ಮಾಡುತ್ತಿರುವುದು ಅಭಿನಂದನೀಯ ಎಂದರು.

ಹಿರಿಯ ಪತ್ರಕರ್ತ ವಸಂತರಾಜ್, ಸಮಾಜ ಸೇವಕ ವಿಶ್ವನಾಥ್ ಶೆಣ್ಯ್, ಕಲಾವಿದ ಪಿ.ಎನ್ ಆಚಾರ್ಯ, ನರಸಿಂಹ ಪಂಚನಬೆಟ್ಟು, ಸಂತೋಷ್ ಜೈನ್, ನರಸಿಂಹಮೂರ್ತಿ ಮುಂತಾದವರಿದ್ದರು.

ಕಾರ್ಯಕ್ರಮ ಸಂಘಟಕ ವೇದಿಕೆಯ ಜಿಲ್ಲಾಧ್ಯಕ್ಷ ಶೇಖರ ಅಜೆಕಾರು ಅಧ್ಯಕ್ಷತೆ ವಹಿಸಿದ್ದರು. ಪತ್ರಕರ್ತ ಪದ್ಮಾಕರ ಭಟ್ ಈದು ಪ್ರಸ್ತಾವಿಕವಾಗಿ ಮಾತನಾಡಿದರು. ದೇವರಾಯ ಪ್ರಭು ವಂದಿಸಿದರು. ರಾಘವೇಂದ್ರ ಪ್ರಭು ಕರ್ವಾಲು ನಿರೂಪಿಸಿದರು.