ಮಣಿಪಾಲ: ಮಂದಾರತಿ ಫ್ಯಾಮಿಲೀ ರೆಸ್ಟೋರೆಂಟ್ (ವೆಜ್ ಹಾಗೂ ನಾನ್ ವೆಜ್) ಉದ್ಘಾಟನಾ ಸಮಾರಂಭವು ಮಣಿಪಾಲದ ಇಂಡಸ್ಟ್ರಿಯಲ್ ಏರಿಯಾ, ಎಮ್.ಸಿ.ಟಿ. ಬಳಿ ಇರುವ ಖ್ಯಾತಿ ಎಂಟರ್ ಪ್ರೈಸಸ್ ಕಟ್ಟಡದ ರೂಫ್ ಟಾಪ್ ನಲ್ಲಿ ನಡೆಯಿತು. ರೋಟರಿ 3182 ನ ನಿಕಟಪೂರ್ವ ಜಿಲ್ಲಾ ಗವರ್ನರ್ ರಾಜಾರಾಮ್ ಭಟ್ ಉದ್ಘಾಟನೆ ನೆರವೇರಿಸಿದರು.

ಮಾಜಿ ಸಚಿವರಾದ ಪ್ರಮೋದ್ ಮಧ್ವರಾಜ್, ಮೀನು ಮಾರಾಟ ಮಹಾಮಂಡಳದ ಅಧ್ಯಕ್ಷರಾದ ಯಶ್ಪಾಲ್ ಸುವರ್ಣ ಆಗಮಿಸಿ ಶುಭ ಹಾರೈಸಿದರು. ಕಟ್ಟಡದ ಮಾಲಕರಾದ ಡಾ. ಸತೀಶ್ ಶೆಟ್ಟಿ ದಂಪತಿಗಳು, ಮೊಗವೀರ ಯುವ ಸಂಘಟನೆ (ರಿ.) ಉಡುಪಿ ಜಿಲ್ಲೆಯ ಪ್ರಧಾನ ಕಾರ್ಯದರ್ಶಿ ರಾಜೇಂದ್ರ ಸುವರ್ಣ ಹಿರಿಯಡಕ, ರೆಸ್ಟೋರೆಂಟ್ ಮಾಲಕರಾದ ಸತೀಶ್ ಕೋಟ್ಯಾನ್ ಮುಂತಾದವರು ಉಪಸ್ಥಿತರಿದ್ದರು. ನವೀನ್ ಕೆ. ಶೆಟ್ಟಿಬೆಟ್ಟು ಕಾರ್ಯಕ್ರಮ ನಿರೂಪಿಸಿದರು.