ಕಾಪು: ಬೆಳಪು ಗ್ರಾಮದ ಪರಿಸರದಲ್ಲಿ ಅಸಹಾಯಕ ಸ್ಥಿತಿಯಲ್ಲಿ ದಿನಕಳೆಯುತ್ತಿದ್ದ ಗಂಡು ಕರುವನ್ನು ಸಮಾಜಸೇವಕರಾದ ನಿತ್ಯಾನಂದ ಒಳಕಾಡು, ತಾರಾನಾಥ್ ಮೇಸ್ತ ಶಿರೂರು ಅವರು ರಕ್ಷಿಸಿರುವ ಘಟನೆ ಸೋಮವಾರ ನಡೆದಿದೆ.

ಗೋಕಳ್ಳರು ಕರುವನ್ನು ಕದ್ದೊಯ್ಯಲು ಹೊಂಚು ಹಾಕುತ್ತಿರುವ ಬಗ್ಗೆ ಸ್ಥಳೀಯರು ಸಮಾಜಸೇವಕರಿಗೆ ಮಾಹಿತಿ ನೀಡಿದ್ದರು. ಪೇಜಾವರ ಅಧೋಕ್ಷಜ ಮಠದ ನೀಲಾವರ ಗೋಶಾಲೆಯು ಗಂಡು ಕರುವಿಗೆ ಆಶ್ರಯ ಒದಗಿಸಿದೆ. ಕಾರ್ಯಚರಣೆಗೆ ಹೇಮನಾಥ್ ಅವರು ಸಹಕರಿಸಿದರು.