ಉಡುಪಿ: ಶ್ರೀ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ಅಭಿಮಾನಿ ಬಳಗದ ಕೇಂದ್ರೀಯ ಕಚೇರಿಯಲ್ಲಿ ಬಸವ ಜಯಂತಿಯ ಪ್ರಯುಕ್ತ ಜಗಜ್ಯೋತಿ ಬಸವೇಶ್ವರರ 889ನೇ ಜಯಂತ್ಯೋತ್ಸವವನ್ನು ಆಚರಿಸಲಾಯಿತು. ಈ ಸಂದರ್ಭದಲ್ಲಿ ಕರಾವಳಿ ಪೊಲೀಸ್ ಪಡೆ ಗಂಗೊಳ್ಳಿ ಠಾಣೆಯ ಶಾಂತಗೌಡ ದೊರನಹಳ್ಳಿ ಅವರು ಬಸವಣ್ಣನವರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿ ಮಾತನಾಡಿದರು. ಬಸವ ತತ್ವವನ್ನು ಎಲ್ಲರಿಗೂ ತಿಳಿಸುವ ಕೆಲಸ ನಾವೆಲ್ಲಾ ಸೇರಿ ಮಾಡೋಣ ಎಂದು ಶುಭಹಾರೈಸಿದರು.

ಉಪ್ಪೂರು ಜಂಗಮ ಮಠದ ಚಂದ್ರಶೇಖರಯ್ಯ, ಪಾಂಗಳ ಜಂಗಮ ಮಠದ ಗಿರೀಶ್ ಕುಮಾರ್, ಸೋಮನಾಥ್, ಪಿ.ಡಬ್ಲ್ಯೂ.ಡಿ ಸಂಗನಗೌಡ ಯಾಳವಾರ, ಮಾನಪ್ಪ ಸಾಹುಕಾರ, ಶಿವಾನಂದ ತಳ್ಳಹಳ್ಳಿ, ರಾಯಣ್ಣ ಅಭಿಮಾನಿ ಬಳಗದ ಸಿದ್ದಣ್ಣ ಪೂಜಾರಿ, ಸಂತೋಷ ಮಾದರ್ ಉಪಸ್ಥಿತರಿದ್ದರು.

ರಾಯಣ್ಣ ಅಭಿಮಾನಿ ಬಳಗದ ಜಿಲ್ಲಾಧ್ಯಕ್ಷ ಸಿದ್ದಬಸಯ್ಯ ಸ್ವಾಮಿ ಚಿಕ್ಕಮಠ ಸ್ವಾಗತಿಸಿ, ಉಪಾಧ್ಯಕ್ಷರಾದ ಲಕ್ಷ್ಮಣ್ ಕೋಲ್ಕಾರ್ ವಂದನಾರ್ಪಣೆಗೈದರು.