ಉಡುಪಿ: ಲಯನ್ಸ್ ಕ್ಲಬ್ ಬ್ರಹ್ಮಗಿರಿಯ ವತಿಯಿಂದ ಸಂತೆಕಟ್ಟೆಯ ಕೃಷ್ಣಾನುಗ್ರಹ ಮಮತೆಯ ತೊಟ್ಟಿಲು ಇಲ್ಲಿಗೆ ಭೇಟಿ ನೀಡಲಾಯಿತು.

ಈ ಸಂದರ್ಭದಲ್ಲಿ ಕೃಷ್ಣಾನುಗ್ರಹದ ಮಕ್ಕಳ ದಿನನಿತ್ಯದ ಉಪಯೋಗಕ್ಕಾಗಿ ದಿನಸಿ ಹಾಗೂ ಧನಸಹಾಯ ಚೆಕ್ ಹಸ್ತಾಂತರಿಸಲಾಯಿತು.

ಲಿಯೋ ಅಧ್ಯಕ್ಷರಾದ ಅನಿತಾ ರೈ ಮಕ್ಕಳಿಗೆ ಕೇಕ್ ವಿತರಣೆ ಮಾಡುವ ಮುಖಾಂತರ ಕ್ಲಬ್ಬಿನ 2022-23 ನೇ ಸಾಲಿನ ಲಿಯೊ ಸೇವಾ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.

ಕ್ಲಬ್ಬಿನ ಕಾರ್ಯದರ್ಶಿ ಗೀತಾ ರಾವ್ ಸ್ವಾಗತಿಸಿ ವಂದಿಸಿದರು. ಪ್ರಾಂತ್ಯದ ಅಧ್ಯಕ್ಷರಾದ ಹರಿಪ್ರಸಾದ್ ರೈ, ಕೃಷ್ಣಾನುಗ್ರಹದ ಟ್ರಸ್ಟಿಗಳಾದ ಡಾ. ಉಮೇಶ್ ಪ್ರಭು, ಉದಯ್ ಕುಮಾರ್, ಗೌತಮಿ, ಲಯನ್ಸ್ ಕ್ಲಬ್ಬಿನ ಅಧ್ಯಕ್ಷರಾದ ಉಮೇಶ್ ನಾಯಕ್, ಜಿಲ್ಲಾ ಲಯನ್ ಕಾರ್ಡಿನೇಟರ್ ವಾದಿರಾಜ ರಾವ್, ಖಜಾಂಚಿ ವಿಜೇತ ರೈ, ಸದಸ್ಯರಾದ ಶೈಲಾ ನಾಯಕ್, ಲಿಯೋ ಕ್ಲಬ್ಬಿನ ಖಜಾಂಚಿ ಶ್ರೀನಿಧಿ ರಾವ್ ಉಪಸ್ಥಿತರಿದ್ದರು.