ಬ್ರಹ್ಮಾವರ, ಸೆ.30: ಬಾರಕೂರಿನ ಶ್ರೀಮತಿ ರುಕ್ಮಿಣಿ ಶೆಡ್ತಿ ಸ್ಮಾರಕ ನ್ಯಾಷನಲ್ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಇದರ ರೋವರ್ಸ್ ರೇಂಜರ್ಸ್ ಘಟಕದ ಉದ್ಘಾಟನಾ ಕಾರ್ಯಕ್ರಮ ನಡೆಯಿತು. ಪ್ರಾಂಶುಪಾಲರಾದ ಶೋಭಾ ಆರ್ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದರು. ಉಡುಪಿ ಸ್ಕೌಟ್ಸ್ ಮತ್ತು ಗೈಡ್ಸ್ ನ ಶರ್ಮೀನ್ ಬಾನು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು. ಅವರು ರೋವರ್ಸ್ ರೇಂಜರ್ಸ್ ನ ಉದ್ದೇಶ ಹಾಗೂ ಗುರಿಗಳನ್ನು ನಿರೂಪಿಸುತ್ತಾ,ವಿದ್ಯಾರ್ಥಿಗಳಿಗೆ ಅದರ ಅಗತ್ಯತೆಯನ್ನು ಮನವರಿಕೆಯಾಗುವಂತೆ ವಿವರಿಸಿದರು. ಸೇವೆಯನ್ನು ಮಾಡುತ್ತಾ ಇತರರಿಗೆ ಸೇವಾ ಮನೋಭಾವವನ್ನು ರೂಢಿಸಿಕೊಳ್ಳಲು ಪ್ರೇರಣೆಯಾಗಬೇಕೆಂದರು.

ಐಕ್ಯುಎಸಿ ಸಂಚಾಲಕರಾದ ವಿದ್ಯಾಪಿ, ರೋವರ್ಸ್ ಲೀಡರ್ ಸತೀಶ್ ಕುಮಾರ್ ಬಿ ಡಿ ಹಾಗೂ ರೇಂಜರ್ಸ್ ಲೀಡರ್ ಶೈಲಜಾ ಎಸ್ ಹೆಚ್., ವಿದ್ಯಾರ್ಥಿ ರೋವರ್ ಲೀಡರ್ ಆದ ದರ್ಶನ್ ಶಾಸ್ತ್ರಿ ಹಾಗೂ ರೇಂಜರ್ಸ್ ಲೀಡರ್ ಆದ ನಿರ್ಮಲ ಕರ್ವಾಲೊ ಉಪಸ್ಥಿತರಿದ್ದರು. ಸುಶ್ಮಿತಾ ಸ್ವಾಗತಿಸಿ, ಅನುಷಾ ವಂದಿಸಿ ಕಾರ್ಯಕ್ರಮ ನಿರೂಪಿಸಿದರು.