ಟೋಕಿಯೊ: ಟೋಕಿಯೊ ಒಲಿಂಪಿಕ್ಸ್ ಮಹಿಳಾ ವಿಭಾಗದ ಸಿಂಗಲ್ಸ್ ನಲ್ಲಿ ಭಾರತದ ಪಿ.ವಿ ಸಿಂಧು ಚೀನಾದ ಹೀ ಬಿಂಗ್ ಜಿಯಾವೊ ಅವರನ್ನು ಸೋಲಿಸಿ ಕಂಚಿನ ಪದಕವನ್ನು ಗೆದ್ದರು. ತನ್ಮೂಲಕ ಎರಡು ಒಲಿಂಪಿಕ್ ಪದಕ ಗೆದ್ದ ಭಾರತದ ಮೊದಲ ಮಹಿಳಾ ಕ್ರೀಡಾಪಟು ಎಂಬ ದಾಖಲೆಯನ್ನು ಸಿಂಧು ನಿರ್ಮಿಸಿದರು.

ಮುಸಾಶಿನೊ ಫಾರೆಸ್ಟ್ ಪ್ಲಾಜಾ ಕೋರ್ಟ್ ನಲ್ಲಿ 52 ನಿಮಿಷಗಳ ಕಾಲ ಸಾಗಿದ ಈ ಪಂದ್ಯದಲ್ಲಿ ಸಿಂಧು, ಹೀ ಬಿಂಗ್ ಜಿಯಾವೊರನ್ನು 21-13, 21-15 ಸೆಟ್ ಗಳಿಂದ ಮಣಿಸಿ ಭಾರತಕ್ಕೆ ಎರಡನೇ ಪದಕ ನೀಡಿದರು.